ضيقة الصدر

ضيقة الصدر فيني من قديم السنين = وضيقة الصدر فيها مالها كم شهر
يوم راحت وخلت كل مابي حزين =جالس ابكي من الفرقى واحس بقهر
انتظرها واقول اليوم يمكن تبين =رغمي ادري بها راحت ولا تنتظر
الصبر صار يكوي داخلي والانين =حطم الصمت فيني وضاع كل الصبر
لكن لمين بحكي ؟ كل مابي لمين ؟=واتجرد من هموم العنا والسهر
نفسي انام لكن ماقدرت استكين =يهجر النوم عيني لين راح العمر
كل شاعر بهالدنيا براسه قرين =بس انا شاعر بحزني وضيق الصدر
عايش وكل قلبي حزن طاغي /دفين =من حياة الكسافه والشقى والكدر
ليه يانفسي بحزن البشر تشعرين ؟= رغم يانفس ! ماحس بعذابك بشر