قصيدة رمضانية

بسم الله ابدا واندحر كل شيطان=ومن يذكر الله خاطره دوم مشروح
الواحد المعبود في خمس الأركان=عالم خفايا النفس ونهاية الروح
واحد احد فرداً صمـد عالـي الشـأن=يامرسل الطوفان ويامنجـياً نـوح
يـاحي يامعبـود ياخـيـر مـزبـان=عبدك يبي عفوك من الذنـب مطـروح
يارب يـوم الحشـر عاريـن الأبـدان=والكل نفسي والنظـر صـار مشبـوح
ولاعـاد ينفـع لاقريـبـاً وخــلان=حصيلة الاعمال تنشر على الوح
يارب يارحمـن عفـوك وغـفـران=كلي خطايا ومنـك أنـا ويـن بـاروح
جيتك ذليل ودمعتـي فـوق الأوجـان=ياعالمـأً سـر الخطـأ دون مابـوح
وشهر رمضان اقبل علينـا بالإحسـان=فرصة عمرمن يجني الربـح ممـدوح
من صامه او قامه دخـل بـاب ريـان=تكفـون همـه ودنـا نبعـد الشـوح
بـه ليلـةً انـزل بـهـا الله قــرآن=سوره وتتلى وفضلها الـف بوضـوح
ليلة قدر من صابهـا صـار ربحـان=ولاصابها نايم على الجنـب مسـدوح
والصوم ماهو نوم وتصيـر جوعـان=واليا أذن المذن على الاكـل مشفـوح
الصوم صوم السان عن عرض الانسان=اعراض خلق الله بـه السـم ذرنـوح
الصوم فرصـة كـل مبلـي ابدخـان=يقلـع ويتبـع كـل خيـر ومصلـوح
يـاالله تجمعنـا بجنـه ورضــوان=في جنة الفردوس منزالهـا اصـروح
والموت كبشاً سيق قـدام الاعيـان=خلود في جنـه بهـا المـوت مذبـوح
هـذا وتـم القـاف والهـرج نيشـان=وجزيل قافي مايجـي فيـه مطـروح