هلوو غوالي صار هوايه ممضوكتكم اكلي ههههههههههه احم اليوم عاجبني اطبخلكم قوزي الشام

ولو الوقت متاخر بس مشكلتكم هسه خطر ع بالي وطريقة التحضير سهله جدا يلا بلا عجر نحضره

كلكم تعرفون اكيد التمن البرياني اللي يكون بيه أنواع من الخضر حسب الرغبه يعني بزاليا جزر بطاطا وطبعا اللحم الشيئ

الرئيسي بيه صحيح هو الوانه حلوه من ينصب على المائده بس اهنا راح انضيفله فقره جدا لطيفه راح اتخليه ايبين مثل

الكيكه اول ما واحد يشوفه وهي بعد مانخلص من طبخ البرياني نهائيا راح نحضر جدر وندهنه بالزيت او الزبد او الدهن

ونحضر عجينة البورك او الكولاج ونبطن الجدر بيها مع ترك زوائد من العجين على أطراف الجدر ونصب البرياني اللي

حضرناه سابقا وبصوره هادئه حتى نحافظ على العجينه وبعد مانملي الجدر نطوي اطراف العجينه على التمن وشويه نخلي

على الوجه زبد وندخلها بالفرن الحار الى ان تحمر العجينه ومن نقلبها راح تتطلع مثل الكيكه شكلها وأكلوا ألف عافيه.

وهاي صوره بعد حتى اوازيكم هسه اطبخوها ههههههههه

اشوفكم بعد غسل الصحون ههههههوديــــــ